Fra banc to banc, fra wod to wod I rin,
Ourhailit with my feble fantasie,
Lyc til a leif that fallis from a trie
Or til a reid ourblawin with the wind.
Twa gods gyds me; the ane of them is blind --
Ȝe, and a bairn brocht up in vanitie --
The nixt a wyf ingenrit of the se,
ingenrit: engendered, created
And lichter nor a dauphin with hir fin.
Unhappie is the man for evirmaire
That teils the sand and sawis in the aire;
Bot twyse unhappier is he, I lairn,
That feidis in his hairt a mad desyre,
And follows on a woman throw the fyre,
Led be a blind boy and teichit be a bairn.
